Türk dövlətləri arasında cinayətkarlıqla mübarizə və təhlükəsizlik sahəsində əməkdaşlığın gücləndirilməsi məqsədilə TÜRKPOL adlı yeni qurumun yaradılması təklif edilib.

BAKU.WS xəbər verir ki, bu barədə Türkiyənin daxili işlər naziri Mustafa Çiftçi Türk Dövlətləri Təşkilatının 3-cü Daxili İşlər Nazirləri Toplantısında məlumat verib.

Nazir bildirib ki, İnterpol və Europol modelində fəaliyyət göstərəcək TÜRKPOL-un yaradılması təklifini Qazaxıstan, Azərbaycan, Qırğızıstan və Özbəkistanın daxili işlər nazirləri müsbət qarşılayıblar.

Bundan əvvəl Türk Dövlətləri Təşkilatı çərçivəsində Cinayətkarlıqla Mübarizə Şurasının yaradılması barədə razılıq əldə olunub. Şuranın terror, narkotik, qanunsuz miqrasiya, kibercinayətkarlıq, qanunsuz mərc və qumarla mübarizədə əməkdaşlığı gücləndirməsi nəzərdə tutulur.

Çiftçi bildirib ki, gələn ay Ankarada keçiriləcək Türk Dövlətləri Təşkilatının Liderlər Zirvəsində Şuranın təsis sazişinin imzalanması planlaşdırılır. Daha sonra Şuranın icraedici qurumu kimi TÜRKPOL-un yaradılması istiqamətində iş aparılacaq.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

BP-nin dəstəyi ilə Naxçıvanda yeni laboratoriya və emalatxanalar yaradılır

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3