Türkiyədə 2027-2029-cu illər dövrü Dövlət İnvestisiya Proqramının hazırlanmasına dair sirkulyar (rəsmi məktub) dərc olunub.

"Far.Az" "TRT Haber"ə istinadən xəbər verir ki, Prezident Rəcəb Tayyib Ərdoğanın imzası ilə yayımlanan sənəddə makroiqtisadi sabitliyin qorunması, inflyasiyanın azaldılması, dövlət maliyyə tarazlığının və maliyyə intizamının gücləndirilməsi əsas prioritetlər kimi göstərilib.

Qeyd olunub ki, dövlət investisiyalarında qənaət tədbirlərinə üstünlük veriləcək, davam edən və ən qısa müddətdə tamamlanması mümkün olan layihələr önə çəkiləcək.

Sirkulyara əsasən, zəruri hallar istisna olmaqla, 2027-ci il Dövlət İnvestisiya Proqramına yeni layihələrin daxil edilməməsi nəzərdə tutulur. Mövcud dövlət əsas kapitalından daha səmərəli istifadə məqsədilə texniki xidmət və təmir işlərinə də üstünlük veriləcək.

Sənəddə həmçinin dövlət investisiyalarının özəl sektor sərmayələrini tamamlaması, iqtisadi və sosial infrastrukturu gücləndirən, istehsal və məşğulluğu dəstəkləyən layihələrə yönəldilməsi vurğulanıb.

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2