Prezident Donald Tramp bəyan edib ki, yəmənli husilər Amerika tərəfi ilə əlaqə saxlayıb və ABŞ ilə müharibə etmək istəmədiklərini bildiriblər.

"Report" xəbər verir ki, Amerika lideri bunu Dublində jurnalistlərə söyləyib.

"Husilər bizimlə əlaqə saxladılar və müharibə etmək istəmədiklərini bəyan etdilər. Onlar bizə başa saldılar ki, onlara qarşı hər hansı addım atmağımızı istəmirlər. Bizim onlara qarşı çıxmağımızı istəmirlər. Əlaqə saxladılar bizimlə və danışdılar, müdaxiləmizi istəmədiklərini bəyan etdilər. Bizim müdaxilə etməməyimizə üstünlük verərdilər" - o deyib.

İranın Səudiyyə Ərəbistanının ölkənin şərq və qərb hissələrini birləşdirən ən mühüm neft kəmərinə hücumda məsuliyyət daşıyıb-daşımadığı sualına cavab olaraq Tramp belə cavab verib: "Ehtimal ki, daşıyır".

Bundan əlavə, ABŞ Prezidenti İrandakı vəziyyətə toxunaraq yenidən bəyan edib ki, ölkədəki müharibə tezliklə başa çatacaq.

O dəqiqləşdirib ki, İranla müharibə ABŞ-da noyabrda keçiriləcək aralıq seçkilərindən sonra başa çatacaq. Trampın sözlərinə görə, bundan sonra neft qiymətləri kəskin düşəcək.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev Bakı Enerji Həftəsinin rəsmi açılış mərasimində iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2