Azərbaycan və Ukrayna kənd təsərrüfatı və aqrar-sənaye kompleksi sahəsində əməkdaşlığın perspektivli istiqamətlərini müzakirə ediblər.

"Report" xəbər verir ki, bu barədə Ukraynanın Azərbaycandakı səfiri Yuri Qusev Azərbaycanın kənd təsərrüfatı naziri Məcnun Məmmədovla görüşün yekunlarına dair "Facebook" sosial şəbəkəsində yazıb.

Onun sözlərinə görə, ərzaq və təhlükəsizlik sahəsindəki qlobal problemlər fonunda kənd təsərrüfatı sahəsində əməkdaşlıq xüsusi əhəmiyyət kəsb edir.

Səfir qeyd edib ki, gündəliyin əsas mövzuları Ukrayna və Azərbaycan arasında kənd təsərrüfatı və aqrar-sənaye kompleksi sahəsində əməkdaşlığın perspektivli istiqamətləri olub. Tərəflər həmçinin konkret birgə layihələrin həyata keçirilməsinə, investisiya əməkdaşlığının inkişafına, təcrübə mübadiləsinə və müasir texnologiyaların tətbiqinə xüsusi diqqət yetiriblər.

"Ukrayna və Azərbaycan tərəfdaşlığın daha da dərinləşdirilməsi üçün ticarət və investisiyalardan tutmuş birgə istehsal və innovativ layihələrə qədər əhəmiyyətli potensiala malikdir", - diplomat yazıb.

Qusev kənd təsərrüfatı sahəsində əməkdaşlığın inkişafının iki ölkənin iqtisadi sabitliyinin və ərzaq təhlükəsizliyinin güclənməsinə kömək etdiyinə əmin olduğunu bildirib.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Azərbaycanın pilotları çətin döyüş manevrləri üzrə tapşırıqlar yerinə yetiriblər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib