Almaniya kansleri Fridrix Merts ABŞ Prezidenti Donald Trampla telefon danışığı aparıb, tərəflər Rusiya-Ukrayna münaqişəsinin həlli yollarını və Yaxın Şərqdəki vəziyyəti müzakirə ediblər.

"Report"un məlumatına görə, bu barədə Almaniya hökumətinin rəsmi nümayəndəsi Ştefan Kornelius jurnalistlərə bildirib.

"Həmsöhbətlər ötən həftə 25-ci ildönümü olan 11 sentyabr 2001-ci il terror hücumlarını xatırlayıblar. Kansler almanlar və amerikalılar arasında xüsusi əlaqəni vurğulayıb", - Kornelius deyib.

O, həmçinin Merts və Trampın Rusiya-Ukrayna münaqişəsinə son qoymaq üçün sonrakı addımlar barədə fikir mübadiləsi apardıqlarını qeyd edib.

"Kansler Merts Konqresin Rusiyaya qarşı sanksiyalarla bağlı Lindsi Qrem qanunun qəbul etməsini yüksək qiymətləndirib", - Kornelius bildirib.

Onun sözlərinə görə, Hörmüz boğazı və Qırmızı dənizdəki vəziyyət də müzakirə mövzusu olub.

"Hər iki su yolunun təcili açılması barədə razılıq əldə edilib", - Almaniya Nazirlər Kabinetinin nümayəndəsi sonda deyib.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Nazirlik sel təhlükəsi zamanı qorunmağın yollarını göstərdi

Merts və Tramp Rusiya-Ukrayna münaqişəsinin həlli və Yaxın Şərqdəki vəziyyəti müzakirə ediblər

Prezident İlham Əliyev və Federal Kansler Fridrix Merts mətbuata bəyanatlarla çıxış ediblər - YENİLƏNİB-3

Horadiz–Cəbrayıl–Zəngilan–Ağbənd yolunun tikintisi 95 % icra olunub