Son günlər məişət tullantılarının atılması üçün nəzərdə tutulan zibil konteynerləri ilə bağlı şikayətlər artır.

Bu məsələdə sakinlər təbii olaraq müvafiq qurumlara üz tuturlar. Zibil konteynerlərinin yerləşdirilməsi və məişət tullantılarının ərazilər üzrə toplanmasının təşkili məsələləri müvafiq yerli icra və kommunal xidmət strukturlarının səlahiyyətlərinə aiddir.

Məsələ ilə bağlı Bakı Şəhər Mənzil-Kommunal Təsərrüfatı Departamentindən Baku TV-yə bildirilib ki, artıq bir neçə ildir Bakı şəhərində bərk məişət tullantılarının yığılması, daşınması və çeşidlənməsi ilə bağlı layihənin icrası uğurla həyata keçirilir. Bu çərçivədə şəhər ərazisində tələbata uyğun miqdarda konteyner meydançası yaradılıb. Meydançalara yaşıl və narıncı rəngdə yeni, müasir konteynerlər quraşdırılıb.

Qeyd olunub ki, meydançalar əsasən uzun illər öncə xüsusi ayrılmış yerlərdə yaradılıb. Həmçinin əhalinin sıxlığı nəzərə alınaraq ərazilərdə monitorinqlər aparılır və tələbata uyğun yeni meydançalar yaradılır. Bundan başqa, bəzi hallarda mövcud meydançalarda konteyner sayı çoxaldılır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib