“Haber Global” telekanalı Bakıda başlanan BMT-nin İqlim Dəyişmələri üzrə Çərçivə Konvensiyasının 29-cu Tərəflər Konfransını (COP29) geniş işıqlandırır.

“Far.Az” xəbər verir ki, mühüm beynəlxalq tədbir iqlim dəyişikliyinə qarşı tədbirləri müzakirə etmək üçün 100-dən çox ölkənin nümayəndələrini bir araya gətirib.

Telekanalın jurnalistləri və ekspertləri konfransın əsas məqamlarını qeyd edərək, iştirakçıların aktual qiymətləndirmələrini və fikirlərini təqdim ediblər.

“Haber Global” telekanalının baş meteoroloqu Bünyamin Sürmelinin çıxışı da diqqət çəkib. O, dünya iqliminin kritik vəziyyətdə olduğunu bildirib. Onun sözlərinə görə, dünya artıq iqlim dəyişikliyinin ciddi fəsadları ilə üzləşir ki, bu da Azərbaycan, İspaniya və İtaliyada quraqlıq nümunəsində görünür. “Planetimiz tarazlıq tapmağa çalışır, lakin antropogen fəaliyyətin nəticələri bu tarazlığı təhlükə altına alır”, – deyə Sürmeli vurğulayıb. O həmçinin deyib ki, COP29-da daha təmiz istehsal texnologiyalarına keçid üçün maliyyələşdirmə və qanunvericilik tədbirləri ilə bağlı məsələlər müzakirə olunur.

Telekanal həmçinin COP29-da Türkiyə pavilyonunun açılışını işıqlandırıb. Açılışda ətraf mühit və iqlim dəyişikliyi naziri Murat Kurum da daxil olmaqla Türkiyənin nazirləri iştirak ediblər. Nazir öz çıxışında Türkiyənin COP29-da iqlim dəyişikliyi ilə mübarizə üzrə strateji layihələrini təqdim etdiyini diqqətə çatdırıb. O həmçinin konfransın Azərbaycanla qardaşlıq əlaqələrinin möhkəmləndirilməsi üçün əhəmiyyətini vurğulayaraq, Türkiyənin tədbirdə “güclü komanda” ilə iştirak etdiyini qeyd edib. Türkiyə stendində ölkənin birinci xanımı Əminə Ərdoğanın himayəsi altında “sıfır tullantı” proqramı haqqında məlumat təqdim olunacaq.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

“COP29 üçün effektiv kommunikasiya strategiyaları” mövzusunda media seminarı keçirilib - YENİLƏNİB

Azərbaycanda keçiriləcək COP29 - iqlim dəyişmələrinin qarşısıalınmaz fəsadları ilə mübarizədə yeni mərhələ - RƏY

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

XİN başçısı BMT BA-nın 79-cu sessiyasında çıxış edib - YENİLƏNİB