Beyləqan, Masallı və Biləsuvar rayonlarında şagirdlərin təhsil şəraitinin yaxşılaşdırılması məqsədilə yeni məktəb binalarının tikintisi planlaşdırılır.

BAKU.WS-in məlumatına görə, tikinti işlərini Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi həyata keçirəcək.

Belə ki, Beyləqan rayonunun Yeni Mil qəsəbəsində R.Quliyev adına 360 şagird yerlik tam orta məktəb tikiləcək. Layihənin ehtimal olunan dəyəri 3 milyon 738 min 42,94 manatdır.

Bundan əlavə, Masallı rayonunun Boradigah qəsəbəsində yerləşən 1 nömrəli 624 şagird yerlik tam orta məktəbin tikintisi planlaşdırılır. Bunun üçün nəzərdə tutulan vəsaitin həcmi 5 milyon 879 min 387,76 manatdır.

Biləsuvar rayonunun Bağbanlar kəndində isə A.Həsənov adına 528 şagird yerlik tam orta məktəb inşa olunacaq. Layihənin ehtimal olunan qiyməti 5 milyon 878 min manat müəyyənləşdirilib.

Üç layihənin ümumi ehtimal olunan dəyəri 15 milyon 495 min manat təşkil edir.

Sənədlərə əsasən, məktəblərin tikintisi çərçivəsində ərazilərdə mövcud tikililərin sökülməsi, tikinti tullantılarının ərazidən daşınması, torpaq-qazma və digər hazırlıq işlərinin aparılması nəzərdə tutulur.

Qeyd edək ki, layihələrin həyata keçirilməsi nəticəsində üç rayonda ümumilikdə 1 512 şagird üçün yeni təhsil imkanları yaradılacaq. Yeni məktəb binaları şagirdlərin daha müasir və əlverişli şəraitdə təhsil almasına, köhnə və yararsız tədris binalarının yenilənməsinə, eyni zamanda bölgələrdə təhsil infrastrukturunun gücləndirilməsinə imkan verəcək.

Oxşar xəbərlər

Sumqayıtda 36 nömrəli tam orta məktəbin yenidənqurmadan sonra açılışı olub

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Məktəbin ilk günündən FOTOLAR

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb