Türkiyənin paytaxtı Ankaradan Şanlıurfaya uçan "AJet" aviaşirkətinə məxsus sərnişin təyyarəsində uçuş zamanı partlayıcı maddənin olması ilə bağlı məlumat təsdiqini tapmayıb.

Bu barədə "Report" yerli mətbuata istinadən xəbər verir.

Qeyd edilir ki, bomba zərərsizləşdirmə mütəxəssisləri, kinoloji itlər sərnişin salonunda və yük bölməsində axtarış aparıb. Lakin hər hansı partayıcı maddə aşkarlamayıblar.

Bununla da axtarışlar və təhlükəsizlik araşdırması başa çatıb.

Xatırladaq ki, ötən gün sərnişin təyyarəsində uçuş zamanı partlayıcı maddənin olması ilə bağlı məlumat daxil olub. Təyyarə Şanlıurfa Hava Limanına təhlükəsiz eniş edib, 136 sərnişin və 7 heyət üzvünün təhlükəsiz təxliyəsi üçün zəruri tədbirlər görülüb. Ümumilikdə 143 nəfər təyyarədən təxliyə olunub.

Təyyarədə yoxlamalar başa çatdıqdan və hər hansı partlayıcı maddə aşkar olunmadığından hava limanı yenidən fəaliyyətini bərpa edib.

05 oktyabr, 23:07

Türkiyənin paytaxtı Ankaradan Şanlıurfaya uçan "AJet" aviaşirkətinə məxsus sərnişin təyyarəsində uçuş zamanı partlayıcı maddənin olması ilə bağlı xəbərdarlıq olunub.

"Report bu barədə "Haber Global"a istinadən xəbər verir.

Bildirilir ki, təyyarə Şanlıurfa Hava Limanına təhlükəsiz eniş edib və 136 sərnişin və 7 ekipaj üzvünün təhlükəsiz təxliyəsi üçün zəruri tədbirlər görülüb. Ümumilikdə 143 nəfər təyyarədən təxliyə olunub.

Təxliyə başa çatdıqdan sonra təhlükəsizlik qüvvələri təyyarədə partlayıcı maddə ilə bağlı axtarışa başlayıblar.

Oxşar xəbərlər

Son üç saatda İrandan Azərbaycana 50 nəfər təxliyə edilib - YENİLƏNİB-6

İrandan daha 27 nəfər Azərbaycana təxliyə edilib - YENİLƏNİB-5

Uşaq qidası ilə bağlı yayılan görüntülər təsdiqini tapmayıb - RƏSMİ AÇIQLAMA

İrandan Azərbaycana daha 84 nəfərin təxliyəsi baş tutub - YENİLƏNİB - 3

Azərbaycan vətəndaşlarının Ciddədən Bakıya təhlükəsiz təxliyəsi həyata keçirilib - YENİLƏNİB