Bolqarıstan Qara dənizdəki müstəsna iqtisadi zonasında iki ticarət gəmisinə hücum edən pilotsuz uçuş aparatlarının (PUA) mənşəyini ABŞ, Türkiyə və Rumıniyanın dəstəyi ilə müəyyən etmək niyyətindədir.

"Report" Bolqarıstan mediasına istinadən xəbər verir ki, bunu ölkənin baş naziri Rumen Radev Milli Təhlükəsizlik üzrə Məşvərət Şurasının iclasının yekunlarına əsasən bildirib.

Onun sözlərinə görə, hazırda Sofiyanın hücumun arxasında Rusiyanın dayandığını birmənalı şəkildə təsdiqləməyə imkan verən sübutları yoxdur.

"Milli təhlükəsizliklə bağlı məsələlərdə fərziyyələrlə işləyə bilmərik", - Radev vurğulayıb.

Bolqarıstan tərəfi Türkiyə və Rumıniya ilə birgə, həmçinin ABŞ-nin mümkün dəstəyi ilə "Able" və "Alfa Watan" gəmilərinin hücuma məruz qaldığı əraziləri yoxlamağı planlaşdırır. Hakimiyyət orqanları PUA qalıqlarını tapmağı və onların mənşəyini müəyyənləşdirməyi gözləyir.

"Able" suyun üzərində qalıb, "Alfa Watan" isə hücumdan sonra batıb.

Oxşar xəbərlər

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında çıxış edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Tuapsedə PUA hücumundan sonra "qara yağış" canlılara ZƏRƏR VURUB