ABŞ Prezidenti Donald Tramp Federal Təhqiqat Bürosunu (FTB) Co Bayden administrasiyası dövründə həyat yoldaşı Melaniyanı və oğlu Berronu izləməkdə ittiham edib.

"Far.Az" xəbər verir ki, bu barədə Amerika lideri Ağ Evdə jurnalistlərə bildirib.

"Onlar dövlət orqanlarından silah kimi istifadə ediblər, mənim həyat yoldaşımı, yetkinlik yaşına çatmayan oğlumu izləyiblər", - Tramp baş verənləri "biabırçılıq" adlandıraraq bildirib.

Bəyanata səbəb Trampın Mar-a-Laqo malikanəsində məxfi sənədlərin saxlanılması işinin təhqiqatı ilə bağlı FTB əməkdaşlarının məxfiliyi açılmış yazışmalarının Ağ Ev tərəfindən dərc edilməsi olub.

Açıqlanan materiallara görə, 2022-ci ildə malikanədəki axtarışdan əvvəl FTB əməkdaşları Trampın, onun həyat yoldaşının və oğlunun səfərləri barədə büroda olan məlumatları dəqiqləşdirməyi planlaşdırırdılar.

Söhbət xüsusilə təyyarələrin tiplərindən və onların hərəkət vaxtlarından gedirdi.

2023-cü ildə Trampa Mar-a-Laqoda məxfi sənədlərin lazımi qaydada saxlanılmamasına görə ittihamlar irəli sürülüb.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Prezident İlham Əliyev Əfv Sərəncamı imzalayıb

Silahlı Qüvvələrin bir qrup hərbi qulluqçu təltif edilib

Məktəbdə BİABIRÇILIQ - Yayılan görüntülərlə bağlı RƏSMİ AÇIQLAMA

Məktəbdə BİABIRÇILIQ - İşçilər qazanxanada kabab çəkib, yeyib-içmək məclisi qurdular