"Mövcud infrastrukturun yenilənməsi çərçivəsində yeni cəzaçəkmə müəssisələri tikilir".

Far.Az xəbər verir ki, bunu "Report" və İTV-yə müsahibəsində ədliyyə naziri Fərid Əhmədov deyib.

Nazir bildirib ki, artıq Qaradağda 2 000 məhkum üçün nəzərdə tutulan yeni cəzaçəkmə müəssisəsinin tikintisinə başlanılıb.

"Eyni zamanda, Umbakıda 35 hektar ərazidə 6-7 min məhkum üçün nəzərdə tutulan yeni cəzaçəkmə müəssisəsinin tikilməsi planlaşdırılır. Bununla yanaşı, Gəncədə də cəzaçəkmə müəssisəsinin inşası nəzərdə tutulub.

Beləliklə, mövcud infrastrukturu yeniləmək məqsədilə gələcəkdə ümumilikdə təxminən 11 min məhkum üçün nəzərdə tutulan yeni cəzaçəkmə müəssisələrini istifadəyə verməyi hədəfləmişik. Bu layihələrin 2030-cu ilə qədər başa çatdırılması nəzərdə tutulub".

F.Əhmədov vurğulayıb ki, bu cəzaçəkmə müəssisələri tamamilə müasir standartlara cavab verəcək.

"Burada həm yeni peşə təhsili infrastrukturunun, həm də cəza çəkən şəxslərə nəzarət mexanizmlərinin rəqəmsal alətlər - üz tanıma sistemləri və digər texnoloji həllər vasitəsilə qurulması nəzərdə tutulur. Bu da öz növbəsində islah prosesinə mühüm töhfə verəcək".

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Leyla Əliyeva Qaradağda yeni parkın açılışında iştirak edib

İlham Əliyev Pirallahı Sənaye Parkında dərman istehsalı müəssisəsinin açılışında iştirak edib

Ədliyyə sistemində institusional islahatlar və tətbiq edilən yeni yanaşmalar – ədliyyə naziri Fərid Əhmədovla geniş müsahibə

Prezident İlham Əliyev Əfv Sərəncamı imzalayıb