Kriptovalyuta şirkəti Tether Qazaxıstanın milli valyutası olan tenqəyə bağlı stablekoin yaradılması üçün ölkənin Mərkəzi Bankı və Alatau şəhər administrasiyası ilə əməkdaşlığa başlayıb.

BAKU.WS xəbər verir ki, tərəflər arasında imzalanan razılaşmaya əsasən, tenqəyə bağlı rəqəmsal aktivin hazırlanması və pilot layihənin həyata keçirilməsi üçün təkliflər hazırlanacaq.

İlkin mərhələdə müxtəlif ölkələrdə stablekoinlərin emissiyası ilə bağlı modellər araşdırılacaq və onların Qazaxıstanda mümkün tətbiq sahələri müəyyənləşdiriləcək. Yeni stablekoinin nə vaxt dövriyyəyə buraxılacağı hələ açıqlanmayıb.

Əməkdaşlığın digər istiqaməti isə real dünya aktivlərinin rəqəmsal tokenlərə çevrilməsini nəzərdə tutur. Tərəflər tokenləşdirməyə uyğun aktivləri müəyyənləşdirərək Alatau şəhərində pilot layihə həyata keçirməyi planlaşdırır.

Layihə çərçivəsində Tetherin tokenləşdirmə platforması Hadrondan istifadə imkanları da nəzərdən keçiriləcək. Bundan əlavə, müvafiq dövlət qurumlarının əməkdaşları üçün stablekoinlərin emissiyası, ehtiyatların idarə olunması və aktivlərin tokenləşdirilməsi ilə bağlı təlim və seminarların keçirilməsi planlaşdırılır.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3