Banqladeşin xarici işlər üzrə dövlət naziri Humayun Kobir Bakıda Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) sammitində iştirak edəcək.

Bu barədə "Far.Az" yerli mediaya istinadən məlumat yayıb.

Səfərin strateji əhəmiyyətini vurğulayaraq o bildirib ki, Banqladeş regionla qarşılıqlı fəaliyyəti genişləndirməyi hədəfləyir və bunu ölkənin xarici siyasət fəaliyyətinin yeni istiqaməti adlandırıb.

"Xarici siyasətdə qarşılıqlı fəaliyyət baxımından bu region yeni məkan və yeni istiqamətdir. Biz bu regionda əlaqələri inkişaf etdiririk", - o bildirib.

Azərbaycana səfərindən sonra H.Kobir Bağdada yola düşəcək və orada oktyabrın 17-də İslam Əməkdaşlıq Təşkilatının (İƏT) xarici işlər nazirlərinin görüşündə iştirak edəcək.

Xatırladaq ki, AQEM-in VII sammiti oktyabrın 15-də təşkilata üzv dövlətlərin nümayəndələrinin iştirakı ilə Bakıda keçiriləcək.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

İƏT Mədəniyyət Festivalı çərçivəsində Qadınların Yaradıcı Forumu keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

İlham Əliyev Türküstanda TDT-nin qeyri-rəsmi Zirvə görüşündə iştirak edib