Bakıda evin həyətindən oğurluq edilib.

BAKU.WS Lent.az-a istinadən xəbər verir ki, hadisə Sabunçu rayonu, Maştağa qəsəbəsi, Albalılıq yaşayış massivində qeydə alınıb.

15 yaşlı İbrahim Əsədov (adı və soyadı şərtidir) qonşularının həyətinə daxil olaraq, 300 manatlıq qaynaq aparatının naqillərini, hər birinin dəyəri 75 manat olan ovuc daşlayıcı (laqonda) və dreli oğurlayıb. Nəticədə ev sahibinə ümumilikdə 450 manat ziyan vurub.

Fakt əsasında İ. Əsədov saxlanılaraq, barəsində cinayət işi başlanıb.

Təqsirləndirilən şəxs ifadəsində bildirib ki, hadisə zamanı uşaqlarla futbol oynayırmış. Top qonşulardan birinin həyətinə düşüb və onu götürməyə gedib. Həyətdə dəmir şkafın qapısı açıq qaldığı üçün içərisində naqillərin, laqonda və drelin olduğunu görüb. Onları oğurlayaraq, yolda gizlədib. Sonra isə hər birini satıb. Dəymiş ziyanı anası zərərçəkənə ödəyib.

Zərərçəkən şəxs də, həmçinin yeniyetmənin anası ilə birgə gələrək dəyən ziyanı ödədiyini deyib. O buna görə də, İbrahimə qarşı şikayət və tələbinin olmadığını bildirib.

Məhkəmənin qərarı ilə İ. Əsədov bir il müddətə azadlığın məhdudlaşdırılması cəzasına məhkum edilib.

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

"Oracle Advisory Group" parlament seçkilərində "exit poll"un nəticələrini açıqlayıb

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

Sosioloji Tədqiqatlar Mərkəzi növbədənkənar parlament seçkilərində “exit-poll”un nəticələrini açıqlayıb

Bakıda aeroportdan şəhərin mərkəzinə neçəyə getmək olur? - QİYMƏTLƏR