"Latsio" İtaliya A Seriyasının IX turunda səfərdə "Sassuolo"ya böyük hesabla qalib gəlib.

"Report" xəbər verir ki, Roma təmsilçisi rəqibini 6:2 hesabı ilə üstələyib.

Qonaqların heyətində Kennet Teylor (2), Qustav İsaksen (13), Romano Floriani (15), Mattia Dzakkanyi (45+1) və Teyanni Noslin (55, 65) fərqləniblər. Meydan sahiblərinin qollarını isə Kristian Torstvedt (7) və Sebastiano Espozito (43) vurublar.

Bu qələbə ilə "Latsio" İtaliya çempionatında ardıcıl beşinci qələbəsini qazanıb və 25 xalla turnir cədvəlinin ilk pilləsində qərarlaşıb. "Sassuolo" isə 8 xalla 14-cü sırada yer alıb.

Komanda növbəti turda, noyabrın 2-də "Fiorentina"nı qəbul edəcək. "Latsio" isə bir gün əvvəl doğma meydanda "Kalyari" ilə qarşılaşacaq.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

WUF13-ün beşinci günündən maraqlı anlar - FOTOREPORTAJ

Alim Nəbiyev MMA-də növbəti qələbəsini qazanıb, rəqibini 1-ci raundda nokaut edib

Teylor Svift evləndi

"UFC Fight Night Baku": İlkin döyüşlər başa çatıb, Fərman Həsənov qələbə qazanıb - YENİLƏNİB-6