Estoniyada İsveç və Litvadan bitum tədarükünün dayandırılması səbəbindən ciddi asfalt qıtlığı yaranıb. Bu, Tallin hakimiyyətini bir sıra yol təmiri layihələrindən imtina etməyə məcbur edib.

"Report" ERR dövlət teleradioyayım portalına istinadən xəbər verir ki, bunu Estoniyanın paytaxtının vitse-meri Kristian Yarvan bildirib.

"Pis xəbərlə başlayım: Estoniyada asfalt qurtarıb. Hələlik məlum olmayan səbəblərdən İsveç şirkəti tədarükü dayandırmaq qərarına gəlib. Litva şirkəti isə bundan yararlanaraq qiymətləri dərhal artırıb, daha sonra onun zavodunda nasazlıq yaranıb", – o deyib.

Onun sözlərinə görə, hər iki ölkədən bitum tədarükünün dayanması Estoniya müəssisələrinin asfalt istehsal etmək imkanını məhdudlaşdırıb. Şəhər hakimiyyəti artıq Tallində yol örtüyünün çəkilməsi ilə məşğul olan iki podratçı şirkəti vəziyyət barədə məlumatlandırıb.

Vitse-mer qeyd edib ki, yaranmış vəziyyət şəhərin yol təmiri planlarına yenidən baxılmasını zəruri edib. Qış dövründə asfalt örtüyünün dəyişdirilməsi ilə bağlı nəzərdə tutulan bir sıra layihələrdən imtina olunub: "Biz küçələrin qazıldığı, lakin sonradan bərpa etmək üçün asfaltın olmadığı vəziyyətin yaranmasının qarşısını almaq istəyirik".

Oxşar xəbərlər

Bakıda avtomobil təmiri sexinin fəaliyyəti dayandırılıb

Bakıda kosmetoloji vasitələrin satışı anbarının fəaliyyəti dayandırılıb

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

"Qarabağ Tallin" Estoniya çempionatında bürünc medal qazanıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2