ABŞ Prezidenti Donald Tramp onun dəstəyinin İsrailin Baş naziri Benyamin Netanyahunun seçkilərdəki mövqeyinə əhəmiyyətli dərəcədə təsir göstərdiyini bildirib.

"Report" xəbər verir ki, bu barədə Tramp "Axios"a qısa müsahibəsində bildirib.

Trampın sözlərinə görə, əvvəl o Netanyahunun perspektivləri ilə bağlı narahatedici proqnozlar alıb, lakin hazırda İsrailin Baş naziri kifayət qədər yaxşı mövqedədir.

"Eşitmişəm ki, mənim dəstəyim Bibi (Benyamin Netanyahu) üçün böyük əhəmiyyət kəsb edib", - Tramp qeyd edib.

Netanyahunun rəhbərlik edəcəyi milli birlik hökumətinin formalaşdırılması səylərində mümkün iştirakı ilə bağlı suala cavabında ABŞ Prezidenti hələ bu barədə düşünmədiyini, lakin belə bir imkanı nəzərdən keçirməyə hazır olduğunu bildirib.

Qeyd edək ki, İsraildə hökumətin formalaşdırılması üçün Knessetin ən azı 61 deputatının dəstəyini qazanmaq lazımdır. İsrail Mərkəzi Seçki Komissiyasının ilkin məlumatlarına görə, Baş nazir Benyamin Netanyahunun bloku 53, "Yaşar" partiyasının lideri Qadi Ayzenkotun başçılıq etdiyi blok 48, ərəb partiyaları isə 19 mandat qazanır. Bu, tarixi maksimum göstəricidir.

Adi seçki bülletenlərinin 93 %-i hesablanıb. Lakin ikiqat zərflərdə olan təxminən 600 min bülletenin hələ hesablanması tələb olunur.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Milli Məclisə seçkilərdə lider namizədlərin adları açıqlanıb - YENİLƏNİB

VII çağırış Milli Məclisin deputatları - SİYAHI

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib