Bakı-Şamaxı avtomobil yolunda asfalt örtüyünün yararsız vəziyyətdə olması sürücülərin narazılığına səbəb olub.

Far.Az xəbər verir ki, bu barədə görüntülər sosial şəbəkədə yayılıb.

Yoldakı mövcud vəziyyət nəqliyyat vasitələrinin hərəkətini çətinləşdirib, sürücülər üçün əlavə risklər yaradıb.

Məsələ ilə bağlı Azərbaycan Avtomobil Yolları Dövlət Agentliyindən (AAYDA) Far.Az-ə verilən məlumata görə, M-4 Bakı-Şamaxı-Yevlax avtomobil yolunun 68-71-ci kilometrlik hissəsi, Bakı istiqamətində mürəkkəb geoloji şəraitə malikdir:

"Belə ki, ərazidə yerin təkində baş verən geoloji proseslər və torpaq qatlarının hərəkətlənməsi nəticəsində yol örtüyündə çatlar, qabarmalar, sürüşmələr və çökmələr müşahidə olunur. Bu proseslər yol örtüyünün dayanıqlığına mənfi təsir göstərir və deformasiyaların yaranmasına səbəb olur.

Mövcud geoloji şərait nəzərə alınaraq, həmin yol sahəsi Azərbaycan Avtomobil Yolları Dövlət Agentliyi tərəfindən mütəmadi nəzarətdə saxlanılır. Yaranan deformasiyaların aradan qaldırılması, yol örtüyünün istismara yararlı vəziyyətdə saxlanılması və hərəkət təhlükəsizliyinin təmin edilməsi məqsədilə mütəmadi olaraq cari təmir işləri həyata keçirilir.

Bununla belə, ərazidə geoloji proseslərin davam etməsi səbəbindən cari təmir işləri mövcud problemlərin aradan qaldırılmasına xidmət etsə də, deformasiyaların təkrar yaranmasını tam istisna etmir. Bu baxımdan, mövcud şəraitə uyğun olaraq yolun təhlükəsiz istismarının təmin edilməsi istiqamətində zəruri tədbirlər davam etdirilir".

Orxan Hüseyn

Oxşar xəbərlər

Güclü qar Qəbələnin dağlıq kəndlərinə gediş-gəlişi çətinləşdirib

Bakıda güclü yanğın: Hadisə yerindən GÖRÜNTÜLƏR

Kürdəmirdə leysan yağış nəqliyyatın və sakinlərin hərəkətini çətinləşdirib

Həyatda yaxşı şeyləri niyə görmürük? - Tanınmış simaların FİKİRLƏRİ

Vətən müharibəsində Qələbənin beşinci ildönümünə həsr olunmuş Hərbi parad keçirilib