Nazirlər Kabinetinin müvafiq qərarı ilə təsdiq edilmiş "Azərbaycanın Uzunmüddətli Aşağıkarbonlu İnkişaf Strategiyası"nda 2035-ci ilədək daxiliyanma mühərrikli minik avtomobillərinin mərhələli şəkildə istismardan çıxarılması, sərnişin avtomobil parkında elektromobillərin payının artırılması, yük maşınlarının dəmir yolu nəqliyyatına keçirilməsi və digər tədbirlər nəzərdə tutulub.

Bəs bu tədbirləri 2035-ci ilədək həyata keçirmək mümkün olacaq?

Far.Az xəbər verir ki, Baku TV-yə danışan nəqliyyat üzrə ekspert Eldəniz Cəfərov hesab edir ki, avtomobil parkının strukturunu qısa müddətdə tamamilə dəyişmək çətin olsa da, daha uzunmüddətli perspektivdə buna nail olmaq mümkündür.

İqtisadçı Xalid Kərimli isə sözügedən tədbirlərin 2035-ci ilədək həyata keçirilməsinin böyük investisiya tələb edə biləcəyini düşünür. Bəs bu müddətdə avtomobil parkının strukturunu dəyişmək nə dərəcədə realdır?

Onun sözlərinə görə, avtomobillər köhnəldikcə və vətəndaşlar yeni nəqliyyat vasitələri aldıqca hibrid və elektrik mühərrikli modellərə daha çox üstünlük verəcəklər. Bu prosesin sürətlənməsində dövlət təşviqləri də mühüm rol oynaya bilər.

İqtisadçı elektromobillərə güzəştlərin tətbiqini, daxiliyanma mühərrikli avtomobillərə əlavə rüsumların müəyyənləşdirilməsini, köhnə avtomobillərin utilizasiyasını və enerji doldurma infrastrukturunun inkişafını bu istiqamətdə vacib addımlar kimi qiymətləndirir.

Xalid Kərimli bildirir ki, artıq ölkəyə idxal olunan avtomobillər arasında elektrik və hibrid mühərrikli nəqliyyat vasitələrinin payı artır.

İqtisadçının sözlərinə görə, Azərbaycanda elektrik enerjisi istehsalında bərpaolunan enerjinin payı artmaqdadır. 2026-cı ilin birinci yarısında bu nisbət 22 faiz təşkil edib. 2030-cu ildə bu göstəricinin 30 faizə çatacağı gözlənilir. "Azərbaycanın Uzunmüddətli Aşağıkarbonlu İnkişaf Strategiyası"nın bu hədəfə uyğun olduğunu qeyd edə bilərik.

Oxşar xəbərlər

Prezident Naxçıvanda elektrik mühərrikli yeni avtobuslara baxıb, dəmir yolu infrastrukturunda aparılan yenidənqurma işləri ilə tanış olub

İlham Əliyev Pirallahı Sənaye Parkında dərman istehsalı müəssisəsinin açılışında iştirak edib

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Sumqayıt Sənaye Parkında karton və qutu taralarının istehsalı müəssisəsinin açılışı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN