Plastiklərin istehsalı və utilizasiyası 2050-ci ilə qədər hər il 3 giqaton CO2 emissiya edəcək.

"Far.Az" xəbər verir ki, bunu jurnalistlərə açıqlamasında Almaniyanın ətraf mühit, təbiətin mühafizəsi, atom təhlükəsizliyi və istehlakçıların hüquqlarının müdafiəsi üzrə naziri Steffi Lemke bildirib.

O qeyd edib ki, plastiklərin istehsalı, istifadəsi, utilizasiyası zamanı əhəmiyyətli həcmdə istixana qazı emissiya olunur: "Bu problem qlobal səviyyədə təxirəsalınmaz tədbirlər tələb edir. Əgər mövcud tendensiyalar davam edərsə, iqlim dəyişikliyinə mənfi təsirlər daha da artacaq".

Nazir əlavə edib ki, resurslardan səmərəli istifadə və dövri iqtisadiyyat tədbirlərinin tətbiqi istixana qazı emissiyalarını azaltmaq üçün əsas şərtdir.

“Davamlı və qapalı dövriyyəli istehsal modellərinə keçid enerjiyə olan tələbatı azaltmaqla yanaşı, təbii resursların qorunmasını təmin edə bilər,” – deyə o bildirib.

S.Lemke, həmçinin Almaniya hökumətinin plastik çirklənməsi ilə mübarizədə beynəlxalq səyləri gücləndirməyə davam edəcəyini vurğulayıb. O qeyd edib ki, plastiklərlə bağlı hüquqi baxımdan məcburi beynəlxalq müqavilənin hazırlanması üçün Hökumətlərarası Danışıqlar Komitəsinin (INC-5) mühüm rolu olacaq.

Oxşar xəbərlər

COP29 qlobal səviyyədə istixana qaz emissiyalarının balansını təmin edəcək - FOTO - ANALİZ 

Almaniyalı nazir: “Su üzrə Bakı Dialoqu konkret fəaliyyətlərə böyük töhfə verə bilər”

Almaniyalı nazir: "Plastik istehsalı tez və əhəmiyyətli dərəcədə azaldılmalıdır"

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ