Məşhur futbolçu finaldan sonra müsahibə zamanı huşunu itirib
Far.Az xəbər saytı

Məşhur futbolçu finaldan sonra müsahibə zamanı huşunu itirib


Argentinanın "Boka Xuniors" klubunun futbolçusu Leandro Paredes komandasının Cənubi Amerika Kubokunun finalında qazandığı qələbədən sonra jurnalistlərə açıqlama verərkən qəfil huşunu itirib.

Far.Az xəbər verir ki, bu barədə "PaseClave" portalı məlumat yayıb.

Bildirilir ki, 32 yaşlı yarımmüdafiəçi hadisədən sonra xəstəxanaya aparılıb. Yerli mətbuatın yazdığına görə, futbolçu hələ qarşılaşma zamanı özünü narahat hiss edib. O, başgicəllənməsindən şikayətlənərək matçın 58-ci dəqiqəsində əvəzlənməsini istəyib.

Paredesin səhhətinin pisləşməsinə Kolumbiyanın Barrankilya şəhərində hökm sürən kəskin isti hava şəraitində qan təzyiqinin aşağı düşməsinin səbəb ola biləcəyi ehtimal edilir.

Hadisədən sonra futbolçu özünü yaxşı hiss etdiyini açıqlayıb və ona dəstək olan azarkeşlərə təşəkkürünü bildirib.

Qeyd edək ki, noyabrın 22-nə keçən gecə Kolumbiyada keçirilən final qarşılaşmasında "Boka Xuniors" Braziliyanın "Atletiko Mineyro" komandasını 2:0 hesabı ilə məğlub edib. Start heyətində meydana çıxan Paredes matçın 58-ci dəqiqəsində oyunu tərk edib.

Oxşar xəbərlər

Leandro Paredes müsahibə zamanı huşunu itirib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6
Milli mətbuatın 151 illiyinə həsr olunmuş konfransda media nümayəndələri mükafatlandırılıb
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Ən son xəbərləri bizim

"Facebook" səhifəmizdə izləyin

Digər xəbərlər