Yağan güclü yağış nəticəsində yaranan sel suları İsmayıllı rayonunun bir-neçə kəndinə gedən torpaq əsaslı və çınqıl örtüklü yollarda problemlərə səbəb olub.

“Far.Az” xəbər verir ki, bu barədə Azərbaycan Avtomobil Yolları Dövlət Agentliyi məlumat yayıb.

Bildirilib ki, yağıntılar nəticəsində yaranmış problemlərlə bağlı ərazilərə Agentliyinin xüsusi texnikaları və canlı qüvvəsi səfərbər olunub.

Aparılan işlər çərçivəsində rayonun Zərnava, Müdri və digər kəndlərinə gedən yollarda sel suları nəticəsində toplanmış lil, palçıq və qum-çınqıl təmizlənib, yollarda açılmış yarğanlar bərpa olunub, sıradan çıxmış küvetlər yenidən qurulub, zəruri ərazilərdə dəmir suötürücü borular quraşdırılıb.

Sözügedən yolların hər birində hərəkətin fasiləsizliyi və təhlükəsizliyi təmin olunub.

Oxşar xəbərlər

İsmayıllıda selin bəzi yollarda yaratdığı fəsadlar aradan qaldırılıb - VİDEO

Azad edilmiş ərazilərin bərpası: xarabalıqdan dirçəlişə doğru - Təhlil

Azərbaycan Sərhəd Mühafizəsinin yaranmasından 105 il ötür

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Şuşa-Laçın yolunda bulağın ətrafında yaranmış xoşagəlməz vəziyyət aradan qaldırılıb