Türkiyənin energetika naziri Alparslan Bayraktar ölkə hakimiyyətinin "Akkuyu" Atom Elektrik Stansiyasının (AES) birinci reaktorunun 2025-ci ildə istismara verilməsi ilə bağlı planlarını təsdiqləyib.

“Report” xəbər verir ki, onun açıqlamalarını “CNN Türk” telekanalı yayımlayıb.

"Bu il "Akkuyu" AES-in birinci reaktorunu işə salmağı hədəfləyirik. Test rejimində olsa belə, bu il elektrik enerjisi istehsalına başlamaq istəyirik. Birinci reaktorda elektrik enerjisi istehsalına başlamaq çox vacibdir. Ümid edirəm ki, bu, Türkiyə üçün tarixi an olacaq", - nazir bildirib.

A.Bayraktar həmçinin vurğulayıb ki, Almaniyanın “Siemens” şirkətinin günahı üzündən "Akkuyu" AES üçün avadanlıqlarla bağlı yaranmış problemlər layihənin həyata keçirilməsində gecikmələrə səbəb olub.

"Akkuyu"dakı problem Çin avadanlığının köməyi ilə həll olunur, lakin bu, bizə təxminən bir il yarım vaxt itkisinə başa gəldi. Ona görə də indi biz bunun nəticələrini müşahidə edirik", - o qeyd edib.

Xatırladaq ki, "Akkuyu" AES Türkiyənin ilk atom elektrik stansiyasıdır və Rusiyanın "Rosatom" Dövlət Korporasiyası tərəfindən inşa edilir. "Akkuyu" layihəsi hər birinin gücü 1200 MVt təşkil edəcək dörd enerji blokundan ibarətdir. Hökumətlərarası sazişin şərtlərinə görə, AES-in ilk enerji blokunun istismara verilməsi bütün icazələr alındıqdan sonra yeddi il ərzində baş tutmalıdır. Birinci enerji blokunun tikintisi üçün lisenziyanın 2018-ci ildə alındığını nəzərə alsaq, bu müddət 2025-ci ilə təsadüf edir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3