ABŞ sakini Kristina Mürrey süni mayalanma (EKO) klinikasını məhkəməyə verib. Buna səbəb onun bioloji baxımdan əlaqəsi olmayan bir uşağı dünyaya gətirməsi olub.

BAKU.WS xəbər verir ki, bu barədə Oddity Central məlumat yayıb.

Məlumata görə, Kristina və onun seçdiyi sperma donoru ağdərili olsa da, dünyaya gələn uşaq afroamerikalı olub. O, klinikaya müraciət edərək baş verən səhvi bildirsə də, uşağı saxlamağa qərar verib və bir neçə ay ərzində ona analıq edib. Lakin bioloji valideynlər uşağın qaytarılması üçün məhkəməyə müraciət ediblər.

"Uşağı bətnimdə daşımaq, ona bağlanmaq, dünyaya gətirmək və ana-övlad arasında unikal bir bağ qurmaq... sonra isə onu itirmək – bu, heç vaxt öhdəsindən gələ bilməyəcəyim bir ağrıdır," – deyə Kristina bildirib.

Hüquqşünaslarla məsləhətləşmədən sonra o, uşağın qaytarılmasına razılıq verib, çünki bioloji valideynlərin hüquqlarını məhkəmə yolu ilə mübahisələndirmək mümkün olmayıb. Hazırda uşaq başqa bir ştatda bioloji valideynləri ilə yaşayır və adı dəyişdirilib.

Klinika isə səhvi etiraf edərək bunun "nadir hal" olduğunu və gələcəkdə belə problemlərin qarşısını almaq üçün əlavə təhlükəsizlik tədbirləri gördüklərini açıqlayıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Bakıda COP29-un Liderlər Sammitinin açılış mərasimi keçirilib - YENİLƏNİB-2