AMB maliyyə sektorunda gender bərabərliyinin artırılmasını hədəfləyir
Azərbaycan Mərkəzi Bankı (AMB) ölkənin maliyyə sektorunda gender bərabərliyinin artırılması və korporativ idarəetmənin gücləndirilməsi istiqamətində yeni addımlar atmağı planlaşdırır.
BAKU.WS xəbər verir ki, bunu AMB-nin İdarə Heyətinin (İH) sədr müavini Gülər Paşayeva bildirib.
Onun sözlərinə görə, hazırda Azərbaycan banklarında, sığorta və investisiya şirkətlərində rəhbər şəxslərin cəmi 10-15 %-i qadınlardır.
Bundan başqa, G.Paşayeva bildirib ki, maliyyə institutlarında gender bərabərliyinin artırılması məqsədilə yeni siyasət və strategiyaların hazırlanması nəzərdə tutulur.
"Artıq tövsiyə sənədi qəbul etmişik. Bu sənəddə qeyd olunub ki, ölkənin aparıcı banklarının və digər maliyyə institutlarının İH-də azı bir qadın olsun" – deyə o vurğulayıb.
AMB rəsmisi gender bərabərliyi ilə bağlı beynəlxalq təcrübəni öyrənmək üçün Böyük Britaniyaya səfər edəcəyini, bu ölkənin paytaxtı Londonda yerləşən Avropa Yenidənqurma və İnkişaf Bankında görüşlər keçirəcəyini deyib: "Hazırda AMB-nin İH-də beş kişi var və bəlkə də, onları bu məsələnin əhəmiyyətinə inandırmaq çətin olacaq. Buna görə də güclü arqumentlərə ehtiyacım var. İnkişaf etmiş ölkələrin gender siyasəti sahəsində hansı yolları keçdiyini öyrənərək, əldə etdiyim bilikləri ölkəmizdə tətbiq etmək istəyirəm".
O, qadınların peşəkar inkişafına dəstək vermək üçün müxtəlif təlim və mentorluq proqramlarının həyata keçirilməsinin planlaşdırıldığını da qeyd edib: "Maliyyə sektorunda çalışan qadınlar üçün liderlik təlimlərini artıq planlaşdırmışıq. Bundan əlavə, icraçı direktor kimi çalışdığım dövrdə AMB-də qadınların rəhbər vəzifələrə irəli çəkilməsini aktiv şəkildə dəstəkləmişəm."
G. Paşayeva Azərbaycanda qadınların təhsil sahəsində aktivliyinin yüksək olduğunu, lakin ailə qurduqdan sonra onların peşəkar fəaliyyətlərini davam etdirməkdə çətinliklərlə üzləşdiyini qeyd edib: "Qadınlara lazımi imkanlar yaradıldıqda onların uğur qazandığını görürük. Təhsildə və universitetlərə qəbulda qadınların fəallığı var. Lakin ailə həyatı qurduqdan sonra vəziyyət dəyişir, çünki qadınlar övladlarına baxmaq məsuliyyətini üzərlərinə götürürlər. Cəmiyyətin bu sahədə daha inklüziv yanaşması üçün qadınların peşəkar fəaliyyətdə daha çox iştirakını təşviq etmək lazımdır. Mən ailələrin düşüncə tərzini dəyişə bilmərəm. Amma qadınlar üçün pozitiv rol modelləri yaradaraq onların iş həyatına münasibətini dəyişməkdə kömək edə bilərəm".
Oxşar xəbərlər
Azərbaycanın maliyyə sektoru 2024-cü ildə - İCMAL
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
2024-cü ilin BOEM reallığı: Azərbaycan "yaşıl enerji"nin inkişafı istiqamətində sıçrayış edir
Ən son xəbərləri bizim
"Facebook" səhifəmizdə izləyin
Digər xəbərlər
-
ABŞ-də ölkə üzrə aviareyslərin dayanmasının detalları məlum olub
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
Ağstafada sursat partlayışı nəticəsində xəsarət alan şəxsin durumu açıqlanıb
-
Şotlandiyada minlərlə insan Sİ üçün data-mərkəzlərin tikintisinə qarşıdır
-
INL: Qərbi Balkanın cinayət şəbəkələri ABŞ vətəndaşları üçün təhlükə yaradır
-
Ammar Baxşalıyev batut gimnastikası üzrə dünya çempionatının finalına yüksəlib













