Bakıda martın 12-də Azərbaycan və Şimali Makedoniya xarici işlər nazirləri (XİN) Ceyhun Bayramov və Timço Mutsunski arasında görüş keçiriləcək.

"Report" xəbər verir ki, bu barədə T.Mutsunski "X" sosial şəbəkəsindəki hesabında paylaşım edib.

O qeyd edib ki, Şimali Makedoniya Prezidenti Qordana Silyanovska-Davkovanın Azərbaycana səfəri zamanı (11 mart) Azərbaycan Prezidenti İlham Əliyevlə məhsuldar söhbət baş tutub.

"İkitərəfli münasibətlərin gücləndirilməsi imkanlarını müzakirə etdik, enerji, təhsil, elm və turizm sahələrində əməkdaşlığı nəzərdən keçirdik. Ticarət əməkdaşlığının və strateji sektorlara investisiyaların əhəmiyyətini vurğuladıq", - paylaşımda bildirilib.

"Sabah həmkarım, xarici işlər naziri Ceyhun Bayramovla görüşəcəyəm ki, daha sıx əməkdaşlıq üçün əlavə təşəbbüsləri müzakirə edək", - nazir qeyd edib.

Oxşar xəbərlər

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Klassik avtomobillərin yürüşü və sərgisi keçirilib

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2