İmişlidə maye qazdoldurma məntəqəsinin istismarı dayandırılıb.

Bu barədə Far.Az-ə FHN-dən məlumat verilib.

Qeyd olunub ki, Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi sənayedə və dağ-mədən işlərində təhlükəsizliyin təmin olunması istiqamətində səlahiyyətləri daxilində zəruri tədbirlərin görülməsini davam etdirir.

Bu çərçivədə, Agentliyin müfəttişləri tərəfindən İmişli rayonunun Yalavac kəndində fəaliyyət göstərən fərdi sahibkar Qafarov Səlahət Cəmil oğluna məxsus maye qazdoldurma məntəqəsində plan üzrə yoxlama aparılıb.

Yoxlama zamanı məntəqədə insan həyatı və sağlamlığı üçün təhlükə yarada biləcək pozuntular aşkarlanıb.

Belə ki, maye qazdoldurma məntəqəsində maye qaz çənlərinin daxili baxışının və hidravlik sınağının keçirilmədiyi, maye qaz çənləri üzərində quraşdırılmış qoruyucu klapanların yoxlanılmadığı, məntəqədə istismar olunan rezin parçalı qolların sınağının aparılmadığı müəyyən edilib.

Aşkar olunmuş nöqsanların dərhal aradan qaldırılmasının mümkün olmadığı, eləcə də insan həyatı və sağlamlığı üçün yaratdığı təhlükə nəzərə alınaraq, maye qazdoldurma məntəqəsinin istismarı Agentliyin əməkdaşları tərəfindən dayandırılıb və pozuntuların aradan qaldırılması üçün tərtib olunmuş aktın bir nüsxəsi sahibkara təqdim edilib.

Qalereya

Oxşar xəbərlər

Gəncədə bəzi attraksionların istismarı dayandırılıb

Gədəbəydə maye qazdoldurma məntəqəsinin fəaliyyəti dayandırılıb

Tovuzda maye qazdoldurma məntəqəsinin istismarı dayandırılıb

Ağstafada qazdoldurma məntəqəsində tutumun istismarı dayandırılıb - VİDEO

Maye qazdoldurma məntəqəsində tutumun istismarını dayandırıldı - FOTO/VİDEO