Mədəniyyət xəzinəmizin incilərindən olan, böyükdən kiçiyə hər kəsə xoş əhval-ruhiyyə bəxş edən Novruz bayramı ölkəmizdə yüksək səviyyədə qeyd olunur.

Azərbaycan həmkarlar ittifaqları da öz növbəsində respublikamızın bütün şəhər və rayonlarında Novruz bayramı münasibətilə uşaqlar üçün silsilə bayram şənlikləri təşkil edir, azyaşlıları hədiyyələrlə sevindirir. Bayram tədbirləri uşaqların asudə vaxtının səmərəli, mənalı və maraqlı keçirilməsi, eləcə də adət-ənənələrimizin, milli-mənəvi dəyərlərimizin gənc nəslə aşılanması məqsədi daşıyır.

Azərbaycan Həmkarlar İttifaqları Konfederasiyası (AHİK) bayram şənliklərində şəhid övladlarının da iştirakını təmin edib. Novruzun əsas personajları olan Kosa, Keçəl və Bahar qızının maraqlı çıxışları, şən zarafatları, uşaqlarla birlikdə rəqs etmələri uşaqların hədsiz sevincinə səbəb olub. Şənliklərdə uşaqlara AHİK tərəfindən bayram hədiyyələri verilib.

Qeyd edək ki, AHİK uşaq evlərində, internat məktəblərində təlim-tərbiyə alan, kimsəsiz və valideyn himayəsindən məhrum olan uşaqlar üçün təşkil olunan tədbirlərdə də bayram hədiyyələri paylayıb.

Qalereya

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

AHİK uşaqlar üçün bayram şənlikləri keçirir, sovqatlar paylayır

AHİK uşaqlar üçün Novruz şənlikləri təşkil edir

AHİK nümayəndə heyəti PARŞ İcraiyyə Komitəsinin iclasında iştirak edib