Sinqapur Prezidenti Tarman Şanmukaratnam ölkə parlamentinin buraxıldığını elan edib.

Far.Az xəbər verir ki, bu barədə ölkənin Mərkəzi Seçki Komissiyası məlumat yayıb.

Qanunverici orqanın fəaliyyətinin dayandırılmasından sonra ümumi seçkilər üç ay ərzində keçirilməlidir. Seçkilərin dəqiq tarixi yaxın günlərdə açıqlanacaq.

Prezident Şanmukaratnam "Facebook" paylaşımında belə yazıb:

"Aljunied GRC, Hougang SMC və Sengkang GRC dairələrinin bütün sakinlərinə bizə sizə xidmət etmək imkanı verdiyiniz üçün təşəkkür edirik. Siyasi mənsubiyyətindən asılı olmayaraq, hamınıza. Sizin parlamentdə sadiq müxalifətiniz olmaq mənim üçün şərəf idi".

Sinqapurun "The Straits Times" nəşrinin məlumatına görə, parlamentin buraxılması qərarı Prezident tərəfindən ölkənin Baş naziri Lourens Vongun tövsiyəsi ilə verilib.

Qeyd edək ki, parlament buraxıldıqdan sonra ümumi seçkilər üç ay ərzində keçirilməlidir. Namizədlərin irəli sürülməsi üçün tarix artıq müəyyən olunub - bu, 23 apreldir.

Qeyd olunan seçkilər Lourens Vongun həm Baş nazir, həm də hakim Xalq Fəaliyyəti Partiyasının (PAP) baş katibi kimi iştirak etdiyi ilk seçkilər olacaq.

Oxşar xəbərlər

Milli Məclisə seçkilərdə lider namizədlərin adları açıqlanıb - YENİLƏNİB

VII çağırış Milli Məclisin deputatları - SİYAHI

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

"Yaşayış yeri və olduğu yer üzrə qeydiyyat haqqında" Qanuna dəyişiklik edilməsi təklif olunur

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2