Vladimir İliç Leninin ölüm səbəbləri illər əvvəl müəyyən olunaraq ictimaiyyətə açıqlanıb.

BAKU.WS xəbər verir ki, bu barədə Rusiya Dövlət Dumasının deputatı, siyasi elmlər doktoru, Rusiya Federasiyası Kommunist Partiyasının üzvü Sergey Obuxov məlumat verib.

Onun sözlərinə görə, Leninin cəsədini tədqiq edən mütəxəssislər beyin qanaxmasının bütün mümkün səbəblərini, o cümlədən ona qarşı edilmiş sui-qəsdin nəticələrini, həmçinin insult və infarkt ehtimallarını ətraflı şəkildə araşdırıblar.

"Zəhərli güllə ilə yaralanma nəticəsində yaranan dağıdıcı proseslər, eyni zamanda insult və infarktla bağlı bütün hallar detallı şəkildə öyrənilib," – deyə Obuxov qeyd edib. Onun fikrincə, bu mövzu ətrafında yayılan söz-söhbətlər və fərziyyələr artıq çoxdan bağlanmış müzakirələri yenidən gündəmə gətirmək cəhdidir.

Leninin Qızıl meydandakı Mavzoleyində saxlanılan cəsədinin hazırkı vəziyyətindən danışan deputat bildirib ki, onun qorunub saxlanması ilə bağlı bütün zəruri prosedurlar tam şəkildə yerinə yetirilir. Obuxov əlavə edib ki, Kommunist Partiyasının rəhbər şəxsləri və siyasi fəallar mütəmadi olaraq mavzoleyə baş çəkir və cəsədlə bağlı heç bir pozuntu və ya dəyişiklik müşahidə etməyiblər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

YAP və Çin Kommunist Partiyası əməkdaşlıq memorandumu imzalayıb

Prezident İlham Əliyev XII Qlobal Bakı Forumunun açılış mərasimində çıxış edib