Azərbaycan Qida Təhlükəsizliyi Agentliyi (AQTA) Bərdə rayonunda fəaliyyət göstərən "Bərdə Ticarət" ASC-yə məxsus bazarda yoxlama keçirib.

AQTA-dan BAKU.WS-ə verilən məlumata görə, baxış zamanı bazarda mənşəyi məlum olmayan süd məhsullarının satışa çıxarıldığı məlum olub.

Bildirilib ki, pendir və nehrə yağı məhsullarından nümunələr götürülərək laborator müayinələrə cəlb olunub. Sınaq nəticəsində hər iki məhsulda uyğunsuzluq - Stafilokok bakteriyası müəyyən edilib. Bazarda həmçinin əl yuma çanaqlarının, havalandırma sisteminin quraşdırılmadığı, qida məhsullarının yuyulması üçün ayrıca sahələrin təşkil edilmədiyi, tullantıların ağzı kip bağlanan qablarda toplanmadığı və digər nöqsanlar aşkarlanıb.

Faktla bağlı sahibkar barəsində inzibati protokol tərtib edilib, uyğunsuzluq aşkarlanan məhsulların satışının qarşısı alınıb və icrası məcburi göstərişlər verilib.

Qalereya

Oxşar xəbərlər

Bakıda süd məhsullarının emalı müəssisəsində istehlaka yararsız məhsullar aşkarlandı

Kərə yağı adı ilə satılan bir neçə yağın tərkibində uyğunsuzluq aşkarlandı

Bakıda qanunsuz fəaliyyət göstərən çiy dönər emalı müəssisəsi aşkarlandı

Azərbaycanda məşhur yağ da SAXTA ÇIXDI - Marketlərdən yığışdırılır

Bir sıra heyvan kəsimi və ət satışı məntəqələrində nöqsanlar aşkarlanıb