Bakı şəhəri, Sabunçu rayonu, Kürdəxanı qəsəbəsində yerləşən obyektdə baş vermiş yanğın Fövqəladə Hallar Nazirliyi Dövlət Yanğından Mühafizə Xidməti tərəfindən görülmüş zəruri və təxirəsalınmaz tədbirlər sayəsində tam söndürülüb.

FHN-dən verilən məlumata görə, yanğın nəticəsində ümumi sahəsi 2000 kv.m olan istixana kompleksinin intizibati binası 560 kv.m. sahədə yanıb.

İnzibati binanın böyük hissəsi və bitişik yerləşən istixanalar yanğından mühafizə olunub.

***11^32

Kürdəxanıdakı obyektdə yanğın məhdudlaşdırılıb. 

Bu barədə FHN-dən məlumat verilib. 

Bildirilib ki, Bakı şəhəri, Sabunçu rayonu, Kürdəxanı qəsəbəsi ərazisində baş vermiş yanğın genişlənməsinə imkan verilmədən qısa müddətdə məhdudlaşdırılıb. 

Hazırda yanğının tam söndürülməsi istiqamətində əməliyyat davam etdirilir. 

Qalereya

***11:20

Kürdəxanı qəsəbəsində obyektdə baş verən yanğın hadisəsi ilə bağlı yeni görüntülər yayılıb. 

Bu barədə BAKU.WS-in "qaynar xətti"nə məlumat daxil olub. 

Görüntülərdə yanan əraziyə xeyli sayda FHN əməkdaşlarının cəlb edildiyi öz əksini tapıb. 

View this post on Instagram

A post shared by @baku.ws_official

***10:12

Bakıda daha bir ərazidə yanğın hadisəsi baş verib. 

Bu barədə BAKU.WS-in "qaynar xətti"nə məlumat daxil olub. 

Məlumata görə, daha bir obyektdə yanğın qeydə alınıb. 

Fövqəladə Hallar Nazirliyinin "112" qaynar telefon xəttinə Bakı şəhəri, Sabunçu rayonu, Kürdəxanı qəsəbəsi ərazisində obyektdə yanğın baş verməsi barədə ilkin məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Hazırda yanğınla mübarizə tədbirləri davam etdirilir. 

Əlavə məlumat veriləcək.

Oxşar xəbərlər

Bir sıra heyvan kəsimi və ət satışı məntəqələrində nöqsanlar aşkarlanıb

Kürdəxanıdakı obyektdə yanğın məhdudlaşdırılıb

COP29 qlobal səviyyədə istixana qaz emissiyalarının balansını təmin edəcək - FOTO - ANALİZ 

Bakıda obyektdəki yanğın tam söndürülüb, hərəkətə qoyulan məhdudiyyət götürülüb - VİDEO - YENİLƏNİB-8

Bakıda anbarda baş verən yanğın SÖNDÜRÜLDÜ - yol açıldı