Bəzi sosial şəbəkələrdə bir şəxsin avtomobilinə benzin tökərək od vurub yandırdığına dair görüntülər yayılıb.

İddialara görə, həmin şəxs bu addımı avtomobillə bağlı yaranmış borc səbəbindən atıb.

Maşını yandıran şəxs - Murad Əfəndiyev hadisənin təfərrüatı barədə Baku TV-yə danışıb.

"Maşını bacanağımdan almışdım. Texniki baxışdan keçməsi üçün etibarnamə sahibi şəxsən özü gəlməli idi, amma gəlmədi. Dəfələrlə zəng etdim, cavab vermədi. Nəticədə, ard-arda cərimələr gəldi və məbləğ 800 manata çatdı. Həmin şəxs gəlib dedi ki, maşını ver, satıram. Dedim ki, mənim çörəyim bu avtomobildən çıxır, necə yəni satırsan? Buna görə də, əsəbiləşib maşını yandırdım", - M.Əfəndiyev deyib.

Daxili İşlər Nazirliyindən (DİN) bildirilib ki, bir nəfərin avtomobil yandırması barədə sosial mediada paylaşılan görüntülər polis əməkdaşları tərəfindən araşdırılıb:

"Hadisənin mayın 11-də Xəzər rayonu ərazisində baş verdiyi məlum olub. Araşdırmalarla onun bir il əvvəl aldığı "Fiat Doblo" markalı avtomobilin sahibinə borclu qaldığı 1000 manatı qaytara bilmədiyinə görə nəqliyyat vasitəsini qəsdən yandırması müəyyən edilib. Faktla bağlı Xəzər Rayon Polis İdarəsinin 1-ci Polis Şöbəsində araşdırmalar davam etdirilir".

Ətraflı süjetdə:

Oxşar xəbərlər

"Avtomobillər sıradan çıxır" - Sürücülər keyfiyyətsiz yanacaqdan ŞİKAYƏT EDİRLƏR

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Bakıda baş leytenant öz avtomobilinə OD VURDU

Ala bilmədiyi maşına od vuran hərbçinin FOTOSU

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2