Sol Partiyasından olan deputat Marsel Bauer, qara beretini çıxarmaqdan imtina etdiyi üçün Almaniya Bundestaqının (parlamentin birpalatalı orqanı) iclas zalından çıxarılıb.

Bu barədə "Bild" nəşri məlumat yayıb.

33 yaşlı siyasətçinin baş geyimi, 53 yaşlı həmkarı və Bundestaq sədr müavini Andrea Lindxoltsu qəzəbləndirib. O, Bauerə bereti çıxarmağı tələb edib. Deputat imtina etdikdən sonra Lindxolts onun plenar iclasdan çıxarılmasına nail olub.

Bundestaqın geyim qaydalarına görə, baş geyiminə yalnız dini səbəblərdən və ya sağlamlıqla bağlı zərurət hallarında icazə verilir.

Bauerin zalı tərk etməsi, xristian-demokrat və xristian-sosialistlərdən ibarət "CDU/CSU" (Xristian Demokrat İttifaqı / Xristian Sosial İttifaqı) fraksiyasının deputatları tərəfindən alqışlarla qarşılanıb.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib

Bundestaq “Almaniya üçün Alternativ” partiyasının qadağan edilməsi ilə bağlı müraciətə baxacaq

Gürcüstanın Baş naziri Almaniya Bundestaqının qətnaməsini ədalətsiz adlandırıb