ABŞ-nin keçmiş milli təhlükəsizlik rəsmisi Metyu Braun Pentaqonun gizli naməlum uçan obyekt (UNO) araşdırma proqramının təfərrüatlarını açıqlayıb.

Far.Az "NewsNation"a istinadən xəbər verir ki, o, yadplanetlilərin minilliklər boyu Yer üzündə olduğunu və onların texnologiyasının "Flawless Constellation" (Qüsursuz Ulduz topası) tərəfindən qeydə alındığını iddia edir.

Braun proqramın görüntülərinə, o cümlədən naməlum disk formalı obyektin müşahidədən yayınmağa cəhd göstərdiyi videoya çıxışı olduğunu bildirib.

"Obyekt buludların altından peyda olub, lakin kadrın ortasına düşdükdən sonra kameraya diqqət yetirmiş kimi qəfildən trayektoriyasını dəyişib" deyə o, videonu UNO-nun "qorxmuş" davranışının sübutu adlandırıb.

Braun bildirib ki, "Flawless Constellation" proqramı illərdir qeydlərin arxivini toplayır, lakin məlumatlar məxfi olaraq qalır. Materialların dərc olunması üçün səy göstərməsinə baxmayaraq, onlar heç vaxt geniş ictimaiyyətə çatdırılmadı.

Yadplanetlilərin təbiəti haqqında soruşduqda, Braun bir neçə növün olduğunu irəli sürüb.

"Onlar güclüdürlər, lakin hər şeyə qadir deyillər. Əminəm ki, onların burada olması bizim heç nə bilmədiyimiz uzunmüddətli planın bir hissəsidir", - deyə Braun vurğulayıb.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib

MAXE-dən dəhşətli hərəkət: dörd qadını yatağa saldı, pullarını aldı, onları videoya çəkdi – TƏFƏRRÜAT