2025-ci ilin ilk dörd ayında Rusiya Çin Xalq Respublikasına neft tədarükünü 14,2% azaldıb.

Bu barədə "Vedomosti" qəzeti Çin Baş Gömrük İdarəsinə istinadla xəbər yayıb.

Məlumata görə, bu dövrdə Çinə 17,08 milyard dollar dəyərində 32,38 milyon ton neft satılıb. Bu, ötən ilin eyni dövrü ilə müqayisədə dəyər baxımından 23,9% azdır.

Həcm azalmalarına baxmayaraq, Rusiya Çinə neft tədarük edən ölkələr arasında lider mövqeyini qoruyub. İkinci yerdə ixracını 48,3% artıraraq 26,29 milyon tona çatdıran Malayziya qərarlaşıb. İlk üçlüyü isə 25,63 milyon tonla (ötən illə müqayisədə təxminən 1,9% az) Səudiyyə Ərəbistanı tamamlayır.

2024-cü ildə Çin ümumi neft idxalını 1,9% azaldaraq 553,41 milyon tona endirmişdi, lakin Rusiyadan idxalı 1,3% artıraraq 108,47 milyon tona çatdırmışdı.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

ABŞ-nin gömrük rüsumları: ticarət müharibəsi, yoxsa yeni imkanlar?

30 illiyini qeyd edən Azərbaycan enerjisinin ötən ilinə baxış

Bakıda COP29-un Liderlər Sammitinin açılış mərasimi keçirilib - YENİLƏNİB-2