İran Prezidenti Məsud Pezeşkian bildirib ki, ABŞ-ın İranın nüvə obyektlərinə endirdiyi hücumlar cavabsız qalmamalıdır.

Far.Az xəbər verir ki, bu fikri dövlət başçısı Fransa Prezidenti Emmanuel Makronla telefon danışığı zamanı səsləndirib.

"ABŞ bizə hücum edib. Siz bizim yerimizdə olsaydınız, nə edərdiniz? Əlbəttə ki, bu hücum cavabsız qalmamalıdır", – Pezeşkian Makronun təmkinli davranış çağırışına cavab olaraq qeyd edib.

Xatırladaq ki, iyunun 22-nə keçən gecə ABŞ Prezidenti Donald Tramp İranın Fordo, Natanz və İsfahan şəhərlərindəki üç nüvə obyektinə uğurlu zərbələr endirildiyini açıqlayıb. Əsas hədəflərdən biri – uranın zənginləşdirilməsi ilə məşğul olan Fordo zavodu – yüz metrlərlə dərinlikdə qayalıq və dəmir-beton təbəqələrlə qorunduğundan bu günə qədər bombalanması mümkünsüz sayılırdı.

Oxşar xəbərlər

Prezident Azərbaycanda sosial müavinətləri artırdı - FƏRMAN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İran: Fordo nüvə obyekti zərbədən əvvəl təxliyə edilmişdi

Fransada böhran qapıda – Makronun Livan saxtakarlığı, cinsi azlıq, erməni siyasəti - ŞƏRH