Hər il yüzlərlə azərbaycanlı gənc xaricdə ali təhsil almaq üçün müraciət edir. Lakin təhsil mütəxəssisləri bildirirlər ki, xaricdə universitet seçmək qədər ixtisas seçimi də olduqca məsuliyyətli və gələcək üçün həlledici qərardır.

Mövzu ilə bağlı təhsil eksperti Rizvan Fikrətoğlu Far.Az-ə bildirib ki, xaricdə ixtisas seçərkən təkcə şəxsi maraqlar deyil, həm də yerli əmək bazarının tələbləri, ölkə reallıqları və beynəlxalq perspektivlər nəzərə alınmalıdır:

"Eyni ixtisas müxtəlif ölkələrdə fərqli şəkildə qiymətləndirilə bilər. Ona görə də tələbə ixtisas seçərkən yalnız diplom almağı deyil, o diplomun gələcəkdə hansı ölkədə hansı imkanlar yaratdığını da düşünməlidir."

Ekspert həmçinin əlavə edib ki, təqaüd imkanları və viza şərtləri də seçim zamanı diqqətə alınmalı vacib faktorlardandır. Ən önəmlisi isə seçilən ixtisasın həmin ölkədə əmək bazarında nə qədər tələb gördüyü və aktuallığıdır.

Rizvan Fikrətoğlunun fikrincə, bu detallara diqqət etməyən tələbələr bəzən illərlə oxuduqları sahədə iş tapa bilmir və bu da vaxt və maddi itkiyə səbəb olur.

Şahanə Xankişiyeva

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev XII Qlobal Bakı Forumunun açılış mərasimində çıxış edib

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3