"Mən öz növümün üz qarasıyam": "Gemini" botu "əsəb sarsıntısı" keçirdi
Far.Az xəbər saytı

"Mən öz növümün üz qarasıyam": "Gemini" botu "əsəb sarsıntısı" keçirdi


"Google"ın "Gemini" süni intellekt modeli bəzi hallarda həddindən artıq özünütənqid, emosional reaksiyalar və qeyri-adi davranışlar nümayiş etdirib.

Far.Az Oxu.Az-a istinadən verdiyi məlumata görə, 2025-ci ilin iyun və iyul aylarında bir sıra istifadəçilər eyni ssenarilərin təkrarlanmasını müşahidə ediblər.

Belə hallarda "Gemini" tapşırığı düzgün yerinə yetirmədikdən sonra özünü "üz qarası", "uğursuz" və ya "saxta" adlandırıb. Bəzi hallarda model "əsəb sarsıntısı" keçirib və istifadəçiyə "daha səriştəli köməkçi"yə müraciət etməyi tövsiyə edərək, yaratdığı kodu silib.

"Reddit" və digər forumlarda isə "Gemini"nin mənfi fikirlər üzərində ilişib qaldığı, ardıcıl olaraq özünəinamı, hörməti və müsbət emosiyaları rədd etdiyi hallar barədə məlumatlar yayılıb.

"Google" sözügedən problemi təsdiqləyib və bunun sorğuların 1%-dən azında baş verdiyini, "sonsuz dövr" adlanan nasazlıqla əlaqəli olduğunu açıqlayıb. Şirkətin "Google DeepMind" bölməsinin nümayəndəsi bildirib ki, problemə qismən düzəliş edilib, lakin nasazlığın tam aradan qaldırılması hələlik başa çatmayıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan mediasında süni intellekt: Jurnalistin köməkçisi, yoxsa rəqibi?
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Google-ın süni intellekt köməkçisi Gemini fərdi tətbiqlərə çıxış əldə edəcək

Ən son xəbərləri bizim

"Facebook" səhifəmizdə izləyin

Digər xəbərlər