Bakının Xətai rayonunda Şamxal Əliyev (soyadı şərtidir) sərxoş vəziyyətdə avtomobil idarə edərkən piyada Bahar Məmmədovanı (soyadı şərtidir) vuraraq onun ölümünə səbəb olub.

BAKU.WS-in məlumatına görə, hadisə 31 mart 2025-ci il axşam saatlarında Məhəmməd Hadi küçəsində baş verib.

Şamxal, dostları ilə pivə içdikdən sonra "BMW" markalı avtomobili 60-70 km/saat sürətlə idarə edərək yol hərəkəti qaydalarını pozub. Hadisə zamanı Bahar Məmmədova yolu keçərkən avtomobilin ön sağ hissəsi ilə vurulub və baş-beyin əzilməsi nəticəsində hadisə yerində vəfat edib.

Məhkəmədə Şamxal özünü təqsirli bilərək, törətdiyi əməldən peşman olduğunu bildirib. Şahidlər Ramin və Ruslan onun sərxoş halda sükan arxasına keçdiyini təsdiqləyib.

Zərərçəkmişin əri maddi ziyanın ödənildiyini, Şamxalın ailə vəziyyətini nəzərə alaraq şikayətdən imtina etdiyini qeyd edib. Videogörüntülər və ekspertiza Şamxalın yol qaydalarını pozduğunu və hadisənin ehtiyatsızlıqdan baş verdiyini sübut edib.

Bakı Ağır Cinayətlər Məhkəməsi Şamxalın bir azyaşlı övladının olmasını və barışığı cəzanı yüngülləşdirən hal kimi qiymətləndirib. O, 3 il nəqliyyat vasitələrini idarə etmək hüququndan məhrum edilməklə 4 il 7 ay 23 gün azadlıqdan məhrum etmə cəzasına məhkum edilib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Gəncədə sələmə pul verən ailənin evinə silahlı basqın - TƏFƏRRÜAT

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4