Bakının Bülbülə qəsəbəsində yerləşən 327 nömrəli tam orta məktəbin direktoru Könül Əliyeva işdən çıxıb.

Far.Az xəbər verir ki, bu barədə o, sosial şəbəkə hesabında özü məlumat yayıb.

O, vəzifədən ayrılmasını maraqlı səbəblə əsaslandırıb: "327 nömrəli məktəbin direktor vəzifəsindən şəxsi təşəbbüsümlə ayrılıram. İşdən çıxma səbəbim ərizəmdə qeyd etdiyim kimidir. Ailə vəziyyətimlə əlaqədar, övladlarıma kifayət qədər vaxt ayıra bilmədiyim üçün işimdən ayrılıram. Ərizəmdə qeyd edə bilmədiyim ən vacib və incə nüans isə belədir: 3 yaşlı körpə qızım mənə israrla ana yox, "Könül bibi" deyə müraciət edir. Keçən ay məzuniyyətdə olanda az qala hər gün mənə "çox sağ ol ki, mənim yanımdasan, məni qoyub getmirsən, səni çox sevirəm" deyirdi. Böyük övladlarımın da fərqli yaşlarda olmağı: birinin tələbə olmağı, digərinin tələbə olmağa hazırlaşmağı, gənc yaşlarında dəstəyimə, varlığıma ehtiyac duymaları və mənim onlara normal vaxt ayıra bilməməyim qərarımı daha da qətiləşdirdi".

K. Əliyeva bundan sonra fəaliyyətinə yaşadığı qəsəbədə yerləşən tam orta məktəbdə Azərbaycan dili və ədəbiyyat müəllimi kimi davam edəcəyini qeyd edib.

Qeyd edək ki, Könül Əliyeva 2023-cü ilin fevralından sözügedən məktəbin direktoru vəzifəsini icra edirdi.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Bu gün Üçüncü Qədr gecəsidir

Bu gün ilk Qədr gecəsidir