Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin əməkdaşları Nəsimi rayonu, Nizami küçəsi ev 93 ünvanında yaşayan və hazırda çətin həyat şəraiti ilə qarşılaşdığı bildirilən 78 yaşlı Nabat Xanım Ramazanovanın vəziyyəti ilə maraqlanıblar".

Bu barədə Far.Az-in sorğusuna cavab olaraq Sosial Xidmətlər Agentliyinin mətbuat xidmətindən məlumat verilib.

"Əməkdaşlarımız tərəfindən ahılımızın Bakı şəhərində yaşayan qardaşı oğlu Faiq Ramazanovla əlaqə saxlanılıb və onunla birlikdə hazırda Nabat Xanım müalicə aldığı Mərkəzi Nefçilər Xəstəxanasında ziyarət edilib.

Vətəndaşın əməkdaşlarımız tərəfindən qiymətləndirilməsi aparılıb, hüquqları izah edilib və həssas əhali qruplarından olan şəxslərə göstərilən sosial xidmətlər barədə məlumatlandırılıb".

Qeyd olunub ki, eyni zamanda Nabat Xanım Ramazanovanın xarici ölkələrdən birində yaşayan qardaşı ilə də əlaqə saxlanılıb və mövcud vəziyyət barədə məlumat verilib.

"Vətəndaş hər hansı sosial xidmət müəssisəsinə yerləşmək istəmədiyini, müalicə prosesi bitdikdən sonra isə evinə qayıdacağını bildirib", - deyə məlumatda vurğulanıb.

*** Tarix: 24.09.2025, saat:12:16

Bakı şəhəri, Səbail rayonu, Lev Tolstoy küçəsində binalardan birində tək yaşayan yaşlı qadının həyatı baxımsızlıq səbəbindən ciddi təhlükə altındadır.

Bu barədə məlumat Far.Az-in "qaynar xətti"nə daxil olub.

Ərazidə yaşayan qonşuların sözlərinə görə, qadın tamamilə tək yaşayır, yaxın qohumları olsa da, onunla maraqlanan yoxdur. Evin vəziyyəti isə anti-sanitariya şəraitindədir.

"Xanımın ürək problemi var, ürəyinin cəmi 15%-i işləyir. Onun qulluğa ehtiyyacı var. Hazırda xanımla əlaqə saxlaya bilmirik və necə olduğu barədə xəbərimiz yoxdur. Ən son yanına sahə həkimi ilə getmişdik",-deyə məlumatda qeyd olunub.

Oxşar xəbərlər

İlham Əliyev Qırmızı Bazar, Hadrut qəsəbələri və Sos kəndinin sakinləri ilə görüşüb

Azərbaycan Prezidenti Xocavənd rayonunun Sos kəndində olub

Prezident İlham Əliyev Əfv Sərəncamı imzalayıb

Qurbanlıq heyvanların satışı və kəsimi xidmətləri göstəriləcək ünvanlar açıqlanıb

Bakının mərkəzində xəstə qadın antisanitar vəziyyətdə TƏK YAŞAYIR