ABŞ-də aşkarlanan 83 Roma sikkəsi Türkiyəyə qaytarılıb.

Far.Az xəbər verir ki, ABŞ-də 2015-ci ildə ələ keçirilən və aparılan araşdırmalara əsasən Anadolu ərazisindəki zərbxanalarda kəsildiyi müəyyən edilən Roma dövrünə aid 83 ədəd qədim sikkə Türkiyəyə qaytarılıb.

Məlumata görə, İmperator Maksimian, I Konstantin, II Konstantin və Arkadius dövrlərinə aid olan bu sikkələr ABŞ Daxili Təhlükəsizlik İstintaqları İdarəsi ilə Türkiyənin Mədəniyyət və Turizm Nazirliyi Mədəni İrs və Muzeylər Baş İdarəsinin əməkdaşlığı nəticəsində ölkəyə gətirilib.

Sikkələr, Ankara Cumhuriyyət Muzeyində təşkil edilən mərasimdə Türkiyənin Mədəniyyət və Turizm nazirinin müavini Gökhan Yazğıya, ABŞ-ın Ankaradakı səfirliyinin müvəqqəti işlər vəkili Brian Stimmler tərəfindən təqdim olunub.

Nazir müavini bildirib ki, 2021-ci ildə ABŞ ilə imzalanan ikitərəfli saziş mədəni irsin qorunması sahəsində əməkdaşlığı gücləndirib:
"Bu gün həyata keçirilən iade həmin razılaşmanın nə qədər səmərəli işlədiyinin göstəricisidir. Bu güclü əməkdaşlıq nəticəsində proses sürətli, şəffaf və effektiv şəkildə aparıldı və mədəni dəyərlərimiz təhlükəsiz formada ölkəmizə qaytarıldı. Sikkələr Roma imperiyasının III–IV əsrlərində Anadolu zərbxanalarında kəsilmiş, həmin dövrün siyasi və hərbi proseslərinin izlərini daşıyan qiymətli irsimizdir".

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Leyla Əliyeva və Arzu Əliyeva Nyu-Yorkdakı Müasir İncəsənət Muzeyində olublar

Özbəkistanın mədəniyyət naziri: Xalqlarımızı birləşdirən fundamental dəyər mədəniyyətdir - MÜSAHİBƏ

Prezident İlham Əliyev Əfv Sərəncamı imzalayıb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib