Azərbaycanda minimum əməkhaqqının artırılması ilə bağlı qərar təkcə minimum əməkhaqqı alan şəxslərin deyil, dövlət müəssisə və qurumlarında vahid tarif cədvəli əsasında çalışan, dövlət qulluqçusu olmayan vətəndaşların da maaşlarına təsir göstərəcək.

Bunu BAKU.WS-ə açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib.

Onun sözlərinə görə, minimum əməkhaqqının artırılması ilə bağlı Prezidentin müvafiq göstərişi var:

"Sənəd imzalandıqdan sonra Nazirlər Kabineti vahid tarif cədvəlinə uyğun olaraq dövlət qurumlarında çalışan və dövlət qulluqçusu hesab edilməyən şəxslərin vəzifə maaşlarını yeni minimum əməkhaqqına uyğunlaşdıracaq".

Deputat qeyd edib ki, ilkin gözləntilərə əsasən, bu dəyişiklik təxminən 700 min vətəndaşın əməkhaqqında artımla nəticələnə bilər:

"Artımın konkret faizi və məbləği hələlik büdcə sənədində əksini tapmayıb. Bu göstəricilərin büdcə qəbul edildikdən sonra Prezident tərəfindən imzalanacaq müvafiq sənəddə açıqlanacağı gözlənilir. Uşaqlı ailələrə verilən bəzi sosial müavinətlər üzrə artım faizləri və məbləğləri isə artıq elan olunub".

Orxan Hüseyn

Oxşar xəbərlər

700 mindən çox vətəndaşın maaşı arta bilər: Minimum əməkhaqqı ilə bağlı gözlənti

Azərbaycanın yeni sənaye modelinin konturları - TƏHLİL

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev Pirallahı Sənaye Parkında dərman istehsalı müəssisəsinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2