ABŞ “HƏMAS” siyasi bürosunun yeni rəhbəri Yəhya Sinvarı və radikal Fələstin hərəkatının digər yüksək vəzifəli şəxslərini 2023-cü il oktyabrın 7-də İsrailə terror hücum zamanı Amerika vətəndaşlarını öldürməkdə ittiham edib.

“Report” xəbər verir ki, bu barədə Nyu-Yorkun Cənub Dairəsi Məhkəməsinin elektron məlumat bazasında dərc edilmiş sənədlərdə göstərilib.

Onlar terrorizm, ABŞ vətəndaşlarını qətlə yetirmək və ölümlə nəticələnən kütləvi qırğın silahlarından istifadə etmək daxil olmaqla yeddi maddə ilə ittiham olunurlar.

Qeyd edək ki, 2023-cü il oktyabrın 7-də Qəzza zolağından radikal HƏMAS qruplaşmasının silahlı tərəfdarlarının İsrail ərazisinə soxulması, sərhəd yaşayış məntəqələrinin sakinlərinin öldürülməsi və 240-dan çox girov götürülməsindən sonra Yaxın Şərqdə vəziyyət kəskin şəkildə pisləşib.

İsrail Qəzzanı tam blokadaya aldığını elan edərək Livan və Suriyanın zolağına və müəyyən ərazilərinə zərbələr endirməyə başlayıb, bundan sonra anklavda quru əməliyyatına başlayıb. İordan çayının qərb sahilində də toqquşmalar baş verir.

Oxşar xəbərlər

Milli Məclisə seçkilərdə lider namizədlərin adları açıqlanıb - YENİLƏNİB

Azərbaycan Sərhəd Mühafizəsinin yaranmasından 105 il ötür

İsraildə 240 bomba sığınacağı açılıb

İsrail Qəzzada HƏMAS qüvvələrinin əksəriyyətinin məğlub olduğunu elan edib

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2