Əfqanıstanda hakimiyyətdə olan “Taliban” hərəkatı bildirib ki, İŞİD terror qruplaşması məğlub olduğu üçün ölkədə güclü mövqeyə malik deyil.

Bu barədə “Report” EFE agentliyinə istinadən xəbər verir.

“Biz İŞİD-i (Əfqanıstan üçün-red) təhdid və təhlükə adlandıran bütün xəbərlərlə razılaşmırıq. İŞİD məğlub olub, onun yuvaları dağıdılıb və öz tərəfdarlarını toplaya bilmir”, - “Taliban” tərəfindən yaradılmış Əfqanıstan hökumətinin nümayəndəsi Həmdulla Fitrat bildirib.

Fitrət BMT-ni də tənqid edərək, onu İŞİD-in Əfqanıstanda olması və təşkilatın Əfqanıstandan başqa ölkələrə hücumlar həyata keçirə bilməsi barədə yalan məlumatlar yaymaqda ittiham edib.

Xatırladaq ki, bazar ertəsi Əfqanıstanın paytaxtında kamikadzenin partlayıcı qurğunu işə salması nəticəsində 6 nəfər həlak olub. EFE-nin məlumatına görə, terror aktına görə məsuliyyəti İŞİD qruplaşması üzərinə götürüb.

BMT-nin baş katibi Antonio Quterreşin 2024-cü ilin yanvarında dərc etdiyi hesabata görə, Əfqanıstanda İŞİD təhlükəsi “yüksək olaraq qalır”.

Oxşar xəbərlər

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

ABŞ-da azərbaycanlılara qarşı bomba hazırlamaqda ittiham olunan erməni saxlanılıb

Daşkənddə Azərbaycan-Özbəkistan Ali Dövlətlərarası Şuranın birinci iclası keçirilib - YENİLƏNİB - 2

Daşkənddə Azərbaycan-Özbəkistan Ali Dövlətlərarası Şuranın birinci iclası keçirilib - YENİLƏNİB-2