Şəki Tarix-Diyarşünaslıq Muzeyinin yaxın aylarda yenidən ziyarətçilər üçün açılması gözlənilir.

Bunu “Report”a açıqlamasında Dövlət Turizm Agentliyinin Qoruqları İdarəetmə Mərkəzinin İdarə Heyəti sədrinin müavini Sədaqət Davudova bildirib.

"Şəkidə tarixi abidələrin bərpası diqqət mərkəzindədir. Eyni zamanda yeni turizm obyektləri açılır, istifadəyə verilir. Hazırda üzərində işlənilən ən böyük layihələrdən biri tarix-diyarşünaslıq muzeyinin açılmasıdır. Həm onun binasının bərpa edilməsi, həm də muzeyin tam olaraq istifadəyə verilməsi nəzərdə tutulur", - deyə o qeyd edib.

Şəki Tarix-Diyarşünasliq Muzeyi 1925-ci ilin sentyabr ayında yaradılıb. Muzeyin 1980-ci ildən bəri fəaliyyət göstərdiyi hazırkı binası 1895-ci ildə kazarma məqsədi ilə tikilmiş tarixi abidədir. Muzeyin ümumi sahəsi 924 m²-dir. Bunun 724 m²-də ekspozisiya zalları yerləşir. Muzeydə Şəki şəhərinin tarixini, mədəniyyətini, qədim sənət növlərini, etnoqrafiyasını, mətbəxini əks etdirən 5000-dən çox eksponat nümayiş etdirilir.

Oxşar xəbərlər

Türkmənçay müqaviləsinin yarıya böldüyü, Nəbatinin dəfn edildiyi Azərbaycan şəhəri - ARAŞDIRMA

Mehriban Əliyevanın doğum günüdür

Bürclər üçün SENTYABR PROQNOZU - Sevgi, pul, karyera...

Azərbaycanla Serbiya arasında turizm sahəsində memorandum imzalanıb

Zəfər tarixindən səhifələr: Laçın şəhərinin azad olunmasından iki il ötür - FOTO