"Millət olaraq dərin kədər içərisində olduğumuz bu günlərdə Cümhuriyyətimizin 42-ci ildönümü üçün bir araya gəlmişik. Gürcüstandakı təyyarə qəzasında həlak olan əziz şəhidlərimizə Allahdan rəhmət, ailələrinə isə səbir diləyirəm".

Far.Az Oxu.Az-a istinadən xəbər verir ki, bunu Şimali Kipr Türk Respublikasının Bakı təmsilçisi Ufuk Turganer ölkə müstəqilliyinin 42-ci ildönümü münasibətilə keçirilən rəsmi qəbulda deyib.

O, həmçinin Vətən müharibəsində əldə edilən qələbənin beşinci ildönümü münasibətilə Azərbaycanı təbrik edib:

"Şimali Kipr də 1983-cü ildə qurduğu dövləti ilə müstəqillik və suverenliyindən imtina etmədiyini bütün dünyaya bəyan edib. Biz bütün maneələrə baxmayaraq, haqlı mübarizəmizi əzmlə davam etdirəcəyik. Kipr məsələsi ədalətli həllini tapmalıdır. Şimali Kiprin Türk Dövlətləri Təşkilatında müşahidəçi statusla çıxış etməsi bizim üçün böyük məsuliyyətdir. Onu da qeyd edim ki, köklü bir təhsil sisteminə malik ölkəmizdə bu gün türk dünyasından 50 min tələbə təhsil alır".

U.Turganer əlavə edib ki, Şimali Kiprin Azərbaycanla ticari əlaqələri də günü-gündən inkişaf edir:

"Ölkələrimiz arasında münasibətlərdə müşahidə olunan irəliləyiş Azərbaycanın Şimali Kipr Türk Respublikasına dəstəyinin nümayişidir".

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Əfv Sərəncamı imzalayıb