Hindistanın Dehli Milli Paytaxt Bölgəsində müşahidə olunan sıx duman hava nəqliyyatında ciddi problemlərə səbəb olub.

Far.Az xəbər verir ki, İndira Qandi Beynəlxalq Hava Limanında azı 128 reys ləğv edilib.

Hindustan Times qəzetinin yazdığına əsasən, görmə məsafəsinin demək olar ki, sıfıra enməsi nəticəsində uçuşların bir hissəsi təxirə salınıb, 8 reys isə alternativ hava limanlarına yönləndirilib.

FlightRadar24 tətbiqinin məlumatına görə, 178 uçuşun havaya qalxışı, 69 reysin isə enişi gecikmə ilə həyata keçirilib.

Hava limanının sosial şəbəkədə yaydığı açıqlamada bildirilib ki, uçuş əməliyyatları sıx duman səbəbindən CAT III şərtləri altında icra olunur. Bu isə ləğvlərə və gecikmələrə yol aça bilər. Sərnişinlərə uçuşlarla bağlı aktual məlumatlar üçün aviaşirkətlərlə əlaqə saxlamaları tövsiyə olunub.

Qeyd olunub ki, hava şəraiti ölkə daxilində dəmir yolu nəqliyyatına da mənfi təsir göstərib, bir çox qatar reysi gecikmə ilə yola düşüb.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Bakıda Azərbaycan səhiyyəsi üçün önəmli tədbir keçirilib